PGµç×Ó

Bydd Cyllid a Thollau EF (CThEF) yn anfon hysbysiad o gosb am gyflwyno’n hwyr atoch yn rhoi gwybod i chi faint i’w dalu os ydych wedi cyflwyno’ch datganiad misol yn hwyr (yn agor tudalen Saesneg).

Mae’n rhaid i chi dalu cyn pen 30 diwrnod o gael yr hysbysiad, neu gallwch apelio:

• drwy

• drwy ysgrifennu at CThEF – dyfynnwch eich Cyfeirnod Unigryw y Trethdalwr (UTR) a’r cyfeirnod talu a ddangosir ar yr hysbysiad

Talu cosb am gyflwyno’n hwyr ar-lein

Gallwch dalu ar-lein drwy’r dulliau canlynol:

• cymeradwyo gan ddefnyddio’ch cyfrif banc

• Debyd Uniongyrchol (taliad untro)

• cerdyn debyd neu gerdyn credyd corfforaethol

Dulliau o dalu

Gwnewch yn siŵr eich bod yn talu erbyn y dyddiad cau. Mae’r amser y mae angen i chi ei ganiatáu yn dibynnu ar eich dull o dalu.

Ar yr un diwrnod neu’r diwrnod nesaf

• cymeradwyo taliad drwy eich cyfrif banc ar-lein

• bancio ar-lein neu dros y ffôn drwy daliadau cyflymach neu CHAPS

• ar-lein drwy gerdyn debyd neu gerdyn credyd corfforaethol

3 diwrnod gwaith

• Debyd Uniongyrchol (os ydych wedi trefnu un ar gyfer CThEF o’r blaen)

• bancio ar-lein neu dros y ffôn drwy Bacs

• yn eich banc neu’ch cymdeithas adeiladu

• drwy siec yn y post

5 diwrnod gwaith

• Debyd Uniongyrchol (os nad ydych wedi trefnu un gyda CThEF o’r blaen)

Bydd angen i chi drefnu Debyd Uniongyrchol newydd drwy eich busnes i wneud taliad unigol.

Ni allwch ddefnyddio’ch Debyd Uniongyrchol misol neu chwarterol presennol ar gyfer Cynllun y Diwydiant Adeiladu (CIS).

Bydd angen y cyfeirnod talu, 14 cymeriad o hyd, arnoch ar gyfer y gosb am gyflwyno’n hwyr ar gyfer CIS o’ch hysbysiad o gosb am gyflwyno’n hwyr. Mae’r rhif hwn bob amser yn dechrau gydag ‘X’.

Faint o amser i’w ganiatáu

Caniatewch 5 diwrnod gwaith i brosesu Debyd Uniongyrchol pan fyddwch yn trefnu un am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc.

Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch gyda’ch banc ei fod wedi’i drefnu o hyd.

Gallwch dalu’ch cosb am gyflwyno’n hwyr ar gyfer Cynllun y Diwydiant Adeiladu (CIS) yn uniongyrchol drwy ddefnyddio’ch cyfrif banc ar-lein neu’ch cyfrif bancio drwy ffôn symudol.

Pan fyddwch yn barod i dalu, . Dewiswch yr opsiwn ‘talu drwy gyfrif banc’. Wedyn, gofynnir i chi fewngofnodi i’ch cyfrif banc ar-lein neu’ch cyfrif bancio drwy ffôn symudol er mwyn cymeradwyo’ch taliad cosb am gyflwyno’n hwyr ar gyfer CIS.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Bydd angen i chi fod â’ch manylion bancio ar-lein wrth law er mwyn talu drwy’r dull hwn.

Gallwch dalu drwy Daliadau Cyflymach, CHAPS neu Bacs i gyfrif Cyllid a Thollau EF (CThEF).

Cyfeirnod

Bydd angen y cyfeirnod talu ar gyfer y gosb am gyflwyno’n hwyr ar gyfer Cynllun y Diwydiant Adeiladu (CIS) arnoch. Mae’r cyfeirnod hwn yn 14 cymeriad o hyd a gellir dod o hyd iddo ar eich hysbysiad o gosb am gyflwyno’n hwyr. Mae’r cyfeirnod hwn bob amser yn dechrau gydag ‘X’.

Faint o amser y mae’n ei gymryd

Fel arfer, bydd taliadau a wneir gan ddefnyddio Taliadau Cyflymach (bancio ar-lein neu dros y ffôn) yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc.

Fel arfer, bydd taliadau CHAPS yn cyrraedd CThEF ar yr un diwrnod gwaith os byddwch yn talu o fewn amserau prosesu’ch banc.

Fel arfer, mae taliadau Bacs yn cymryd 3 diwrnod gwaith.

Taliadau tramor

Defnyddiwch y manylion hyn er mwyn talu o gyfrif tramor.

Cyfeiriad bancio CThEF yw:

Gallwch .

Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy.

Ni fydd ffi yn cael ei chodi os talwch â cherdyn debyd personol.

Bydd Cyllid a Thollau EF (CThEF) yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF.

Os na allwch dalu’ch cosb am gyflwyno’n hwyr yn llawn â cherdyn, dylech ddefnyddio dull arall o dalu megis trosglwyddiad banc.

Cyfeirnod

Bydd angen y cyfeirnod talu ar gyfer y gosb am gyflwyno’n hwyr ar gyfer Cynllun y Diwydiant Adeiladu (CIS) arnoch. Mae’r cyfeirnod hwn yn 14 cymeriad o hyd a gellir dod o hyd iddo ar eich hysbysiad o gosb am gyflwyno’n hwyr. Mae’r cyfeirnod hwn bob amser yn dechrau gydag ‘X’.

Defnyddiwch y slip talu a anfonodd Cyllid a Thollau EF (CThEF) gyda’ch hysbysiad o gosb am gyflwyno’n hwyr.

Peidiwch â defnyddio slip talu o’ch llyfryn talu gan y bydd eich taliad yn cael ei gredydu i’r cyfrif anghywir a chan ei bod yn bosibl y cewch nodynnau atgoffa i dalu.

Gwnewch eich siec yn daladwy i ‘Cyllid a Thollau EF yn unig’.

Ysgrifennwch eich cyfeirnod, sy’n 14 o gymeriadau, ar gyfer y gosb am gyflwyno’n hwyr ar gyfer Cynllun y Diwydiant Adeiladu (CIS) ar gefn eich siec. Bydd y cyfeirnod ar eich hysbysiad o gosb. Mae bob amser yn dechrau gydag X.

Bydd CThEF yn derbyn eich taliad ar y dyddiad y gwnewch y taliad, nid y dyddiad y mae’n cyrraedd ei gyfrif banc.

Gallwch anfon siec i Gyllid a Thollau EF (CThEF) drwy’r post.

Caniatewch 3 diwrnod gwaith i’ch taliad gyrraedd CThEF.

Yr hyn i’w gynnwys

Gwnewch eich siec yn daladwy i ‘Cyllid a Thollau EF yn unig’.

Ysgrifennwch eich cyfeirnod, sy’n 14 o gymeriadau, ar gyfer y gosb am gyflwyno’n hwyr ar gyfer Cynllun y Diwydiant Adeiladu (CIS) ar gefn y siec. Mae hyn bob amser yn dechrau gyda’r llythyren ‘X’. Peidiwch â defnyddio’ch cyfeirnod Swyddfa Gyfrifon.

Cofiwch gynnwys y slip talu a anfonodd CThEF atoch gyda’ch hysbysiad o gosb am gyflwyno’n hwyr. Peidiwch â phlygu’r slip talu na’r siec, a pheidiwch â’u glynu wrth ei gilydd.

Gallwch gynnwys llythyr ynghyd â’ch taliad er mwyn gwneud cais am dderbynneb oddi wrth CThEF.

Os nad oes gennych slip talu

Anfonwch eich siec gyda llythyr gyda’r manylion hyn:

• enw’r cwmni

• cyfeiriad

• rhif ffôn

• cyfeirnod y gosb

• faint rydych yn ei dalu

Gallwch fwrw golwg dros eich cyfriflen banc neu gymdeithas adeiladu er mwyn cadarnhau bod y taliad wedi gadael eich cyfrif.

Os ydych yn talu â siec drwy’r post, gallwch gynnwys llythyr ynghyd â’ch taliad er mwyn gofyn am dderbynneb oddi wrth Gyllid a Thollau EF (CThEF).